ملف المريض ومخطط الأسنان والمواعيد والمخبر والفواتير، بالعربية، على الحاسوب والهاتف، ويكمل شغله حتى لو انقطع الإنترنت. متوفر لعيادات الأسنان بكل الوطن العربي.
ويندوز وأندرويد والمتصفح، والبيانات نفسها بكل مكان.
بتكمّل شغلك، وبيتزامن كلشي لحالو لما يرجع الاتصال.
دولار وليرة، وكل دفعة محفوظة بسعر صرف يومها.
موعدين بنفس الساعة، ومريض ما إجا لأنو نسي، وما حدا ذكّرو.
مين دفع ومين باقي عليه، والدفعات الجزئية بالدولار والليرة، كلو بالراس.
الحساسية والأدوية وشو انعمل بكل سن، موزّعين على أوراق ما بتلاقيها وقت الحاجة.
Tavu بيجمع هالشي كلو بشاشة وحدة، وبيعطيك الجواب قبل ما تسأل.
كل سن بشكلو وجذورو، وبتسجّل الحالة على الوجه نفسو. الشغل يلي لسا ما انعمل بيبيّن بالأحمر، وبس يخلص بيتسجّل عالسن لحالو.
خلّصت مع المريض؟ احكي متل ما بتحكي عادي: «لرهف حشوة على 26 بخمسين دولار ودفعت تلاتين». المساعد بيجهّز الشغل والخطة والفاتورة والموعد، وبيستنّاك تأكّد قبل ما يحفظ.
تقويم الشهر كامل، وقائمة مواعيد بكرا مع زر تذكير بيفتح واتساب والرسالة جاهزة.
فاتورة أو وصل أو كشف حساب باسم عيادتك، بيتطبع أو بينبعت عالواتساب.
الدخل والمصاريف وصافي الربح، وحصص الأطباء الضيوف، بتقرير لكل شهر.
كل عيادة معزولة، والدخول بحساب Google، ونسخة احتياطية كل يوم.
جرّب أي باقة هلأ بدون حساب، أو ابدأ شهر مجاني بكل الميزات (عرض الإطلاق).
لطبيب بيبلّش عيادتو
10$/ شهريًا
للعيادة النشطة
20$/ شهريًا
لمركز فيه أكتر من طبيب
35$/ شهريًا
الأسعار قابلة للتفاوض. احكي معنا عالواتساب ومنتفق عاللي بيناسب عيادتك.
منقل مرضاك ومواعيدك وحساباتك من الدفاتر أو Excel، وبتبلّش من أول يوم وكلشي جاهز.
منراجع بيانات العيادة والنسخ الاحتياطية والمزامنة والصلاحيات، ومنعطيك نصايح لتستفيد أكتر.
احكيلنا شو بتحتاج عيادتك — تقرير خاص، طريقة شغل معيّنة، أو أي شي ناقصك — ومنقلّك الكلفة والمدة قبل ما نبلّش، ومنضيفها إلك بالتطبيق.
احكيلنا عن الميزةويندوز أو أندرويد، أو افتحو من المتصفح بدون تحميل.
ما في كلمة سر جديدة، وبياناتك بتتزامن بين أجهزتك.
شهر كامل مجانًا بكل الميزات، وبعدها بتختار الباقة اللي بتناسبك.
ويندوز بيطلّع نافذة زرقا لأنو التطبيق جديد: اكبس More info وبعدين Run anyway.
بتكمّل شغلك عادي. التطبيق بيحفظ كلشي عالجهاز، وبيرفعو لحالو أول ما يرجع الاتصال.
إي. سجّل بنفس حساب Google على أي جهاز، وبتلاقي بياناتك متل ما هي.
بنسخة الويندوز: بتكبس المايك وبتحكي بلهجتك شو عملت، مثلًا «حشوة على سن 36 لريم بعشرين دولار، وموعد لسامر بكرا الساعة خمسة». هو بيعبّي السن والفاتورة والدفعة والموعد، ولكذا مريض بنفس التسجيل، وإنت بتشوف كلشي وبتأكّد قبل ما ينحفظ. الصوت بينفهم على جهازك وما بيطلع لبرّا. ضمن باقة ماكس والتجربة المجانية، وإضافة على الأساسية وبرو بـ 7$ شهريًا.
شهر كامل بكل الميزات ومرضى بلا حد، بدون أي دفع (عرض الإطلاق). بعدها بتختار باقتك وبياناتك بتضل متل ما هي.
لا. بتدير المرضى والمواعيد والفواتير، والتقارير والأرباح بتضل لصاحب العيادة.
اكبس تحميل لويندوز وافتح ملف Tavu-Setup.exe من التنزيلات. إذا طلعت نافذة زرقا من ويندوز اكبس More info وبعدين Run anyway؛ بتطلع لأنو التطبيق جديد وما إلو شهادة ناشر من مايكروسوفت لسا. كمّل التثبيت وسجّل بحساب Google.
افتح هالصفحة من Chrome واكبس نسخة أندرويد. إذا فتحتها من واتساب أو إنستغرام، افتحها بـ Chrome أول لأنو المتصفح تبعهن ما بينزّل ملفات. إذا طلع تنبيه اكبس التنزيل على أي حال، وبعدين افتح الملف واسمح بالتثبيت من هالمصدر (مرة وحدة بس).
احكي معنا عالواتساب، منفعّلك الباقة عحسابك فورًا ومنتفق على طريقة الدفع. والأسعار قابلة للتفاوض.
شهر مجاني بكل الميزات، بلا بطاقة وبلا التزام.